السلام عليكم ورحمة الله
لعبة جديدة .. وباللغة العربية .. كن زعيم القرية
هذي لعبة حلوة على النت حق تقضي وقت الفراغ بها
وهي عبارة عن لعبة لبناء قرية خاصة فيك
العبه تكتيكية وحلوة تقدر فيها تتحالف مع القرى وتقدر تهجم على القرى وتخليهم من ضمن قريتك
واللعبه عباره عن :
انت يكون عندك قريه و تبني فيها مباني وتزود المحاصيل وتكوّن جيش تحمي نفسك فيه من الأعداء
وتهجم عليهم فيه وتستولي على قرى و تكوّن او تنضم لحلف
ووووووو ... الخ
هذي وصلة لموقع اللعبة تقدر تسجل فيها وتلعب
http://www.travian.ae/?uc=ae2_103944هذا شرح لطريقة التسجيل
اول ما تدخل الموقع بيطلع لك مثل هذا اختار تسجيل
بعد ما تدخل تسجيل راح يطلع لك تبي تكون في اي سيرفر هذا كل واحد على راحتة
عقب ما تختار السيرفر راح يخلونك تكتب بياناتك
وبعدها راح توصلك رسالة على الايميل فيها كود التفعيل
وأول ما تسجل يصير عندك قريه وتكون فاضيه ما فيها غير ( المبنى الرئيسي )
وفيه المواد الخام واللي هي : الخشب والحديد والطين والقمح
وبهذي المواد تبني المباني والأسواق والجنود وكل شي
وعشان تزيد انتاج هذي المواد لازم تطور الحقول
يعني قبل ما تهتم ببناء المباني , ركز على تطوير المواد الخام ( الحديد والقمح والطين والخشب )
بعد ما تطور المواد الخام يمديك تبني مباني جديده
اول شي اختر موقع المبنى
اذا اخترت موقع المبنى .. راح تطلع لك عدّت مباني
وكل مبنى وله شروطه من القمح والحديد والخشب والطين ( على حسب نوعه )
وكل مبنى جديد تبنيه يزود سكان القريه بقدر معيّن
وفي ترافيان أنت تلعب مع الآلاف من الاعبين
في الخريطه يمديك تشوف قريتك وجيرانك
ويمديك تحط احداثيات اي واحد ويجيب لك قريته
كلها بالعربي
