لك عين تتكلم بعد ماتصدقت بجروحي
وتسأل بعد ويش سويت ؟؟؟
أخطيت في حقي ولكنك أذنبت ,,
الي يشوفك مايقول انك أخطيت
أنا أحسب ان عقلك تعافى وقد طبت ,,
أثرك على نفس العقل ماتعافيت ..
ياثقل دم اليوم ليسمي السبت ,,
وياثقل دمك كل ماصبحت وأمسيت ..
أنت أتحرى جيتي كل ماغبت
وأنا أتحرى غيبتك كل ماجيت ...
أذنبت في عرفك ولكنني تبت ,,
الله يسامح زلتي يوم زليت ...
الصدر يتفجر بعد حالة الكبت ,,
أنشهد أن صدري تفجر ومليت ...
أغسل يدينك اني أجيك لو شبت
معروف عني دام صديت صديت ..
